1955 දී කොළොම්බියාවේ නාවික හමුදාවට අයත් යාත්‍රාවක් ගැඹුරු මුහුදේ දී කුණාටුවකට හසුව මුහුදු බත් විය. එහි වූ නාවික භටයන් අතරින් එක්‌ අයෙකු හැරෙන්නට අනෙක්‌ සියලු දෙනා මුහුදට බිලි වූහ. ඇල්ජෙන්ඩිරෝ වැලෙස්‌කෝ නම් වූ ඔහු කුඩා පහුරක එල්ලී දින දහයක්‌ මුළුල්ලේ පණ බේරාගෙන අවසානයේ වෙරළට ගොඩබැසීමට සමත් විය. එක රැයින් ඔහු කොළොම්බියාවේ වීරයෙකු බවට පත්විය. කොළොම්බියාවේ දූෂිත ආණ්‌ඩුව ඔහු ස්‌වකීය මැතිවරණ රැස්‌වීම්වලට ගෙන ගියේය. ජනතාව වැළ නොකැඩී මේ ජාතික වීරයා දැකගන්නට ආහ. වැලෙස්‌කෝ නිසා ආණ්‌ඩුව ජනප්‍රිය විය. එහෙත් දිනක්‌ මේ වැලෙස්‌කෝ හදිසියේ කොළොම්බියාවේ එල් එක්‌ස්‌පැක්‌ටේඩර් නම් පුවත්පතේ කාර්යාලයට පැමිණියේය. ගේබ්‍රියෙල් ගාර්ෂියා මාකේස්‌ද එවකට සේවය කළේ එම පුවත්පතේය. පුවත්පතට පැමිණි වැලෙස්‌කෝ පැවසුවේ තමන් මෙතෙක්‌ පැවසූ සියලු දේ බොරු බවය. මේ මුහුදු බත්වූ යාත්‍රාවේ ගෙන ගියේ නීති විරෝධී බඩු භාණ්‌ඩ බව ඔහු පැවැසුවේය. නැව විනාශ වූයේ කුණාටුව නිසා නොව එම භාණ්‌ඩ නැව් තට්‌ටුව මත හරියාකාරව අසුරා නොතිබීම නිසා මුහුද මැදදී ඒවා එහා මෙහා පෙරළීමත් සමඟ බව ඔහු කීවේය. නැවේ සිටි අයට නැව හරියාකාරව හැසිරවීමට දැනුමක්‌ නොතිබුණු බව ඔහු කීවේය. නැවේ සිටි අයගේ නොසැලකිල්ල හා තණ්‌හාව නිසා මේ අනතුර සිදු වූ බව ඔහු කීවේය.
මේ ඇත්ත කතාව පුවත්පතට ලියන්නද නොලියන්නද දැයි කල්පනා කළ පුවත්පත් කර්තෘ මණ්‌ඩලය අවසානයේ එය ලියන්නට තීරණය කර එය ගේබ්‍රියෙල් ගාර්ෂියා මාකේස්‌ට පැවරුවේය. ඇත්ත කතාව පළවන්නට වීමත් සමඟම වෙලෙස්‌කෝට ද වඩා මාකේස්‌ ජනප්‍රිය වන්නට වූවේය. ආණ්‌ඩුවේ ජනප්‍රියතාව සීග්‍රයෙන් පහත බහින්නට වූවේය. ආණ්‌ඩුවේ කෝපය මාකේස්‌ කරා එල්ල විය. මාකේස්‌ගේ ජීවිතය ආරක්ෂා කිරීම සඳහා පුවත්පත විසින් මාකේස්‌ව ඉතාලියට පිටත්කර හරිනු ලැබිණි. ඉතාලියට පැමිණි මාකේස්‌ ඉන්පසුව යුරෝපය පුරා ඇවිද්දේය. එහෙත් මේ සිද්ධියෙන් පසුව 1982 දී නොබෙල් තෑග්ග ලැබෙනතුරුම මාකේස්‌ට කොළොම්බියාව නමැති තම මවුරට ආරක්ෂා සහිත ස්‌ථානයක්‌ වූයේ නැත. 1958 දී ඔහු රහසිගතව කොළොම්බියාවට පැමිණියේ ස්‌වකීය පෙම්වතිය වූ මර්සිඩිස්‌ භාෂා විවාහ කරගැනීමටය.
ඉන්පසුව කොළොම්බියාවෙන් පිටත් වූ නව යුවල විප්ලවයෙන් බිහි වූ නව කියුබාවට පැමිණියහ. කියුබානු ප්‍රවෘත්ති සේවයේ තනතුරක්‌ මාකේස්‌ ට හිමිවිය. එසේ ඇති වූ කියුබානු නායක ෆිදෙල් කස්‌ත්‍රෝ හා මාකේස්‌ අතර ඇතිවූ මිත්‍රත්වය අද දක්‌වාත් පවතියි.කියුබානු ප්‍රවෘත්ති සේවයේ ඇමරිකානු නියෝජිතයා වූයේ මාකේස්‌ය.
.jpg)
මාකේස්‌ගේ පළමු දරුවා වූ රොඩ්රිගෝ උපත ලද්දේ 1959 දීය. අද ඔහු ලොස්‌ ඇන්ජලීස්‌ නගරයේ චිත්‍රපට අධ්‍යක්ෂකවරයෙකි. එම වසරේදීම මාකේස්‌ යුවළ නිව්යෝර්ක්‌ නගරයට පැමිණ පදිංචි වූහ. කියුබානු ප්‍රවෘත්ති සේවයේ ඇමරිකානු නියෝජිතයා වූයේ මාකේස්‌ය.
මාකේස්‌ ඇමරිකානු අධිරාජ්‍යවාදයට විරුද්ධව ලතින් ඇමරිකානු විමුක්‌ති ව්‍යාපාර සමඟ සමීපව කටයුතු කළේය. ඔහු වාමාංශික අදහස් පිළිගත් ගත්කතුවරයෙකි. බිල් ක්‌ලින්ටන් මොනිකා ලෙවින්ස්‌කි සිද්ධිය නිසා අපහසුතාවට පත්වූ අවස්‌ථාවේ දී මාකේස්‌ ඔහුව බේරාගැනීමට නිව්යෝර්ක්‌ ටයිම්ස්‌ පුවත්පතට විශේෂ ලිපියක්‌ ලීවේය. වැරදි නොකර ජීවත්වීමට මාකේස්‌ට වූවත් නොහැකිය.
මාකේස්‌ ඇමරිකානු අධිරාජ්‍යවාදයට විරුද්ධව ලතින් ඇමරිකානු විමුක්‌ති ව්‍යාපාර සමඟ සමීපව කටයුතු කළේය. ඔහු වාමාංශික අදහස් පිළිගත් ගත්කතුවරයෙකි. බිල් ක්‌ලින්ටන් මොනිකා ලෙවින්ස්‌කි සිද්ධිය නිසා අපහසුතාවට පත්වූ අවස්‌ථාවේ දී මාකේස්‌ ඔහුව බේරාගැනීමට නිව්යෝර්ක්‌ ටයිම්ස්‌ පුවත්පතට විශේෂ ලිපියක්‌ ලීවේය. වැරදි නොකර ජීවත්වීමට මාකේස්‌ට වූවත් නොහැකිය.
